باڈی بلڈنگ کے ورلڈ ایونٹ کی میزبانی پاکستان کو مل گئی ہے جو ملک کے لیے نہایت خوشی کی خبر ہے۔

تفصیلات کے مطابق گلوبل پاور لفٹنگ اینڈ باڈی بلڈنگ انٹرنیشنل کے تحت پاکستان میں باڈی بلڈنگ کا عالمی ایونٹ رواں سال اکتوبر میں منعقد ہوگا۔

پاکستان باڈی بلڈنگ فیڈریشن کے صدر رمیز ابراہیم نے کہا کہ اس عالمی ایونٹ میں بھارت، فرانس، اٹلی، جرمنی، کینیڈا سمیت 30 سے ممالک شرکت کریں گے، اور مسٹر اینڈ مسز یونیورس سمیت 30 کیٹگریز میں 300 سے زائد تن ساز اور ماڈلز شریک ہوں گے۔

ایشین چیمپئن رمیز ابراہیم نے کہا کہ یہ عالمی ایونٹ گلوبل پاور لفٹنگ اینڈ فزیک انٹرنیشنل کے تحت منعقد ہوگا، جس میں پاکستان کی 3 خواتین باڈی بلڈرز بھی پاور لفٹنگ کی کیٹگری میں ایکشن میں نظر آئیں گی۔

انھوں نے کہا باڈی بلڈنگ کی تاریخ میں پہلی بار پاکستان اتنے بڑے ایونٹ کی میزبانی کرے گا۔