سندھ کے شہر نوشہروفیروز میں ننھا بچہ گٹر میں جاگرا جسے موٹر سائیکل سوار نے بچا لیا۔
اے آر وائی نیوز کے مطابق نوشہروفیروز میں ننھا بچہ گلی میں اکیلا کھیل رہا تھا جب وہ کھلے مین ہول میں جاگرا، بچہ دو منٹ تک گٹر میں پھنسا روتا رہا۔
ایک موٹر سائیکل سوار نے بچے کے رونے کی آواز سن کر اس کو گٹر سے نکالا۔
اسپتال میں بچے کو طبی امداد دینے کے بعد گھر بھیج دیا گیا ہے۔
واضح رہے کہ کراچی کے علاقے ملیر میمن گوٹھ میں کھلے مین ہول میں پانچ سالہ بچہ نعمان ابڑو گر کر جاں بحق ہوگیا تھا۔
ڈپٹی میئرسلمان عبداللہ مراد کی یوسی میں بچہ گٹر میں گرکر جاں بحق ہوا تھا حکام کی لاپروائی پر اہل علاقہ نے احتجاج کیا۔
علاقہ مکینوں کا کہنا تھا کہ کئی بار متعلقہ حکام کو کھلے گٹر بند کرنے کا کہا گیا مگر کسی نے توجہ نہیں دی جس کے باعث بچہ جاں بحق ہوگیا۔
ڈپٹی میئر سلمان عبداللہ مراد ودیگر نے گھر پہنچ کر دکھی خاندان سے تعزیت کا اظہار کیا، بعدازاں گٹر پر ڈھکن بھی لگادیا گیا۔
