کراچی : پیٹرولیم مصنوعات کی قیمتوں میں اضافے کے بعد انٹرسٹی ٹرانسپورٹرز نے بھی کرایوں میں 100سے200 روپے کا اضافہ کردیا۔
تفصیلات کے مطابق پیٹرولیم مصنوعات کی قیمتوں میں اضافے کے بعد عوام کی مشکلات میں مزید اضافہ ہوگیا ، انٹرسٹی ٹرانسپورٹرز نےبھی کرایوں میں 100سے200 روپے کا اضافہ کردیا۔
اضافے کے بعد کراچی سے لاڑکانہ کا کرایہ 100روپے اضافے کے بعد 1500 روپے، کراچی سے شکارپور کاکرایہ 200روپے اضافے کے بعد 1600 روپے اور کراچی سے میہڑکا کرایہ 100روپے اضافے کے بعد 1400 روپے ہوگیا۔
کراچی سے سیہون کا کرایہ 100روپے اضافے کے بعد 1200 روپے، کراچی سے نصیرآباد کا کرایہ 100روپے اضافے کے بعد 1400 روپے اور کراچی سے حیدرآباد کا کرایہ 100روپے اضافے کے بعد 600 روپے ہوگیا۔
شہریوں نے دہائی دی کہ نہ صرف پیٹرول بلکہ ہر چیز مہنگی ہوئی ہے، اب تو اندرون سندھ سفر کرنا بھی مشکل ہوتا جارہا ہے۔
ٹرانسپورٹرز کا کہنا ہے کہ پٹرولیم مصنوعات کی قیمتوں میں اضافےکےبعدکرایوں میں اضافہ کرنامجبوری ہے ، اگرکرایوں میں اضافہ نہ کیاتوگاڑیاں بندکرنی پڑسکتی ہیں ، کرایوں میں اضافے کے بعد مسافروں کی آمد و رفت مزید کم ہو جائے گی۔
