خیر پور : رانیپور کی عدالت نےگھریلو ملازمہ کے مبینہ تشدد سے قتل کیس میں مرکزی ملزم اسد شاہ کو 4 روزہ جسمانی ریمانڈ پر پولیس کے حوالے کردیا۔
تفصیلات کے مطابق خیرپور میں گھریلو ملازمہ کے مبینہ تشدد سے قتل کیس میں گرفتار مرکزی ملزم اسد شاہ کو رانیپور کی عدالت میں پیش کیا گیا، جہاں اسد شاہ کے جسمانی ریمانڈ کی استدعا کی گئی۔
عدالت نے گرفتار مرکزی ملزم اسد شاہ کو چار روزہ جسمانی ریمانڈ پر پولیس کے حوالے کردیا۔
ملزم اسد شاہ کی بیوی حنا شاہ کو بھی مقدمے شامل کیا گیا ہے جبکہ اے ایس پی نعمان ظفر کے مطابق چار روز میں ملزم اسد سے تفشیش کریں گے، جس سے مزید معلومات ملے گی۔
نعمان ظفر کا یہ بھی کہنا ہے کہ جس جگہ بچی فاطمہ کو قتل کیا گیا ہے اس کمرے کو مکمل سیل کرکے کرائم سین ڈکلیئر کیا گیا ہے جبکہ گھر اور اس روم کی سی سی ٹی وی رکارڈ بھی پولیس نے اپنی تحویل میں لے لیا ہے۔
انھوں نے کہا کہ انصاف کا بول بالا ہوگا کسی بھی طاقتور سے کسی بھی قسم سے رعایت نہیں ہوگی ، بچی کی قبر کے کے حوالے سی اب سیشن کورٹ میں درخواست دائر کریں گے، اس کے بعد مزید کاروائی ہوگی۔
