پشاور: ایف آئی اے نے خاتون کو واٹس ایپ پر ہراساں کرنے والے ملزم کو ایبٹ آباد سے گرفتار کرلیا۔
وفاقی تحقیقاتی ادارے (ایف آئی اے) سائبر کرائم سرکل نے کارروائی کرتے ہوئے خاتون کو سوشل میڈیا کے ذریعے بدنام کرنے میں ملوث ملزم کو گرفتار کر لیا۔
حکام کا کہناہے کہ ملزم نے خاتون کی قابل اعتراض تصاویر اور ویڈیوز شیئر کیں، ملزم گزشتہ کئی ماہ سے متاثرہ خاتون کو بلیک میل کر رہا تھا، ملزم کے موبائل فونز کو قبضے میں لے کر مقدمہ درج کرلیا گیا ہے۔
دوسری جانب ایف آئی اے سائبر کرائم سرکل سکھر نے کارروائی کرتے ہوئے ملزم علی گوہر کو گھوٹکی سے گرفتار کرلیا، حکام کا کہنا ہے کہ ملزم نے شکایت کنندہ کی قابل اعتراض تصاویر اور ویڈیوز وائرل کیں۔
ترجمان ایف آئی اے کا کہنا ہے کہ ملزم نے قابل اعتراض مواد شکایت کنندہ کے گھر والوں کو بھی بھیجا، ملزم کے ساتھی کی گرفتاری کے لئے چھاپے مارے جا رہے ہیں۔
ایف آئی اے کا مزید کہنا ہے کہ ملزم کے خلاف پیکا ایکٹ کے تحت مقدمہ درج کرکے تفتیش کی جارہی ہے۔
