لاہور: پنجاب حکومت کے ترجمان زعیم قادری نے کہا ہے کہ 30 نومبر کو کوئی آسمان نہیں گرے گا، دہشتگردی کرنے والوں کے ساتھ سختی سے نمٹیں گے

لاہورمیں پریس کانفرنس سے خطاب کرتے ہوئے پنجاب حکومت کے ترجمان زعیم قادری نے کہا ہے کہ عمران خان نے 30 نومبر کو امن و امان خراب کرنے کیلئے دہشتگردوں سے رابطے کئے ہیں لیکن کوئی آسمان نہیں گرے گا اور دہشتگردوں کے ساتھ سختی سے نمٹیں گے۔

انہوں نے کہا کہ عمران خان اور طاہرالقادری ریاست کے مجرم ہیں، عدالت کے حکم پر عمل درآمد کرنا پولیس کی ذمہ داری ہے۔ زعیم قادری کا کہنا تھا کہ حکومت نے برداشت اور رواداری کا بہت مظاہرہ کر لیا، اب نئی حکمت عملی ترتیب دی جا رہی ہے۔

انہوں نے کہا کہ دھرنے دھرے کے دھرے رہ گئے، نواز شریف قوم کو لے کر بہت آگے نکل چکے ہیں۔ انہوں نے وضاحت کی کہ سانحہ ماڈل ٹاؤن میں شہدا کی تعداد 14 نہیں 10 ہے