اسلام آباد : انسداد دہشت گردی عدالت نے سابق وزیر شیریں مزاری کی بیٹی ایمان مزاری کے مزید جسمانی ریمانڈ کی استدعا مسترد کرتے ہوئے جوڈیشل ریمانڈ پر اڈیالہ جیل بھجوا دیا۔
تفصیلات کے مطابق انسداد دہشت گردی عدالت میں سابق وزیر شیریں مزاری کی بیٹی ایمان مزاری کیخلاف کار سرکار میں مداخلت کے مقدمے پر سماعت ہوئی، ایمان زینب مزاری کو عدالت میں پیش کیا گیا۔
پراسیکوٹر نے بتایا کہ وائس میچنگ اور فوٹو گرامیٹک ٹیسٹ کرا لیئے گئے ہیں، تحریری تقاریر کے ٹرانسکرپٹ برآمد کرنا ہے ، جس پر جج نے کہا کہ
تین دن دیئے ان میں انویسٹی گیشن افسر نے کیا کیا۔
عدالت نے ایمان مزاری کے مزید جسمانی ریمانڈ کی استدعا مسترد کردیا اور انھیں جوڈیشل ریمانڈ پر اڈیالہ جیل بھجوا دیا۔
اے ٹی سی جج نے ایمان مزاری کی والدہ سے کمرہ عدالت میں ملاقات کی اجازت دیتے ہوئے کہا کہ ایمان مزاری اور اس کی والدہ کی ملاقات میں کوئی رکاوٹ نہیں ہونی چاہیئے۔
