حیدرآباد: ہندوستان کے شہر حیدرآباد کے مضافات میں خطرناک تیندوے کی موجودگی کی اطلاع نے خوف و ہراس پھیلا دیا، مقامی افراد کا کہنا ہے کہ انہوں نے گھر کی چھت پر خطرناک تیندوے کو دیکھا تھا۔
بین الاقوامی خبر رساں ادارے کی رپورٹ میں بتایا گیا ہے کہ اکھیل نام کے ایک نوجوان نے میڈیا کو بتایا کہ انہوں نے رات ساڑھے 12 بجے ایک مکان کی چھت پر خطرناک تیندوا دیکھا، اس موقع پر فوری طور پر پولیس کنٹرول روم کو اطلاع دی گئی، مگر اتنی دیر میں تیندا رفو چکر ہوچکا تھا۔
مذکورہ واقعے رپورٹ ہونے کے بعد محکمہ جنگلات کے حکام بھی موقع پرپہنچ گئے، انہوں نے تیندوے کے قدموں کے نشانات کی جانچ شروع کردی تاکہ اس بات کا معلوم ہوسکے کہ وہ حقیقت میں تیندوا ہی تھا یا کوئی اور جنگلی جانور تھا۔
اس سے قبل ریاست آندھرا پردیش کے علاقے تروپتی میں مقامی پولیس کی مدد سے تین سالہ بچے کو تیندوے کے حملے سے بچالیا گیا تھا۔
پولیس کے مطابق کمسن بچہ اپنے دادا کے ساتھ پیدل جارہا تھا کہ تیندوا لڑکے پر جھپٹ پڑا اور گردن سے دبوچ کر اسے گھسیٹ کر دور لے گیا۔
Panic created among the #devotees, visiting the hill shrine of Lord Venkateswara, when a 3 yr old boy was attacked by a #Leopard near the 7th mile and attempted to drag into the forest, along the #Alipiri– #Tirumala pedestrian route in on Thursday night.#AndhraPradesh #Tirupati pic.twitter.com/tAl2qpL6OD
— Surya Reddy (@jsuryareddy) June 22, 2023
پولیس کے مطابق پانچ سے چھ اہلکار قریب ٹھہرے ہوئے تھے وہ فوری طور پر موبائل کی روشنی میں لاٹھیوں کے ساتھ جنگل میں اسی سمت روانہ ہوئے جہاں تیندوا بچے کو لے گیا تھا۔
پولیس اہلکاروں کی چیخ و پکار سننے کے بعد تیندوے نے لڑکے کو چھوڑ دیا، بعدازاں گارڈ نے بچے کے رونے کی آواز سنی اور اسے بچالیا۔
بچہ حملے میں شدید زخمی ہوا جسے طبی امداد کے لیے اسپتال منتقل کیا گیا جہاں اس کی حالت خطرے سے باہر بتائی گئی ہے۔
