شوبز انڈسٹری کی معروف اداکارہ حبا بخاری اور آریز احمد کی ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ حبا بخاری نے شوہر آریز احمد کے ساتھ ویڈیو اور تصاویر شیئر کیں جس میں آسٹریلیا میں خوشگوار موڈ میں دیکھا جاسکتا ہے۔
حبا بخاری نے تصاویر شیئر کرتے ہوئے کیپشن میں بتایا کہ یہ گزشتہ سال کی ویڈیو ہے۔
اداکارہ نے کیپشن میں جادوئی راتیں لکھا اور ساتھ ہی آسٹریلیا، میلبرن، سڈنی کے ہیش ٹیگز بھی استعمال کیے۔
انہوں نے گزشتہ روز یہ ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
حبا بخاری سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
اس سے قبل بھی حبا بخاری نے تصاویر شیئر کی تھیں جو وائرل ہوگئی تھیں۔
واضح رہے کہ حبا بخاری اے آر وائی ڈیجیٹل کے ڈرامہ سیریل ’تیرے عشق کے نام‘ میں ’رتبہ‘ کا مرکزی کردار نبھا رہیں جس کی دیگر کاسٹ میں زاویار نعمان، جمال شاہ، یشما گل ودیگر شامل ہیں۔
