قومی ٹیم کے سابق کپتان شاہد آفریدی نے ایئرپورٹ پر بالی ووڈ اداکار سہیل خان اور آفتاب شیوداسانی سے ملاقات کی جس کی ویڈیو سوشل میڈیا پر وائرل ہوگئی۔
یو ایس ماسٹر ٹی 10 لیگ کے اختتام کے بعد شاہد آفریدی اور سلمان خان کے چھوٹے بھائی سہیل خان اور آفتاب شیوداسانی کی ایئرپورٹ پر ملاقات ہوئی جس کی ویڈیو انہوں نے انسٹاگرام پر شیئر کی۔
ویڈیو میں سہیل خان اور شاہد آفریدی کو گرم جوشی سے ملتے دیکھا جاسکتا ہے۔
ویڈیو شیئر کرتے ہوئے کیپشن میں شاہد آفریدی نے لکھا کہ ’گزشتہ 40 دنوں سے ٹورنامنٹ اور شاہد آفریدی فاؤنڈیشن کے عطیات ایونٹس کی وجہ سے امریکا اور کینیڈا کا سفر کررہا ہوں اور پاکستان کو یاد کررہا ہوں۔
شاہد آفریدی نے لکھا کہ ’ایک بات یقینی طور پر کہہ سکتا ہوں کہ کھیل، خاص طور پر کرکٹ سے زیادہ کوئی چیز لوگوں کو متحد نہیں کرتی، اس کھیل سے پیار ہے۔‘
واضح رہے کہ اس سے قبل امریکا میں شاہد آفریدی اور سنیل شیٹی کی ملاقات کی ویڈیو بھی وائرل ہوگئی تھی۔
