اے آر وائی ڈیجیٹل کے ڈرامہ سیریل ’مائی ری‘ میں ’آمنہ‘ کا کردار نبھانے والی اداکارہ رمہا احمد نے جذباتی پوسٹ شیئر کردی۔
ڈرامہ سیریل ’مائی ری‘ میں عینا آصف (عینی)، ثمر عباس (فاخر)، نعمان اعجاز (ظہیر)، ماریہ واسطی (ثمینہ)، مایا خان (عائشہ)، رمہا احمد (آمنہ)، ساجدہ سید، پارس منصور، عثمان مظہر، آمنہ ملک، بسمہ بابر ودیگر اداکاری کے جوہر دکھا رہے ہیں۔
مائی ری کی ہدایت کاری کے فرائض میثم نقوی نے انجام دیے ہیں جبکہ اس کی کہانی ثنا فہد نے لکھی ہے۔
ڈرامے کی کہانی عینی اور فاخر کے گرد گھومتی ہے اور اس میں دکھایا گیا ہے کہ کم عمری میں شادی کے بعد دونوں کو کن مشکلات کا سامنا کرنا پڑتا ہے۔
گزشتہ قسط میں فاخر کی دوست آمنہ کا کردار اختتام کو پہنچا وہ پڑھائی کے سلسلے میں بیرون ملک جارہی ہیں۔
رمہا احمد نے انسٹاگرام پر اپنے کردار کے اختتام پر لکھا کہ ’بیرون ملک ایک نئے باب کے لیے روانہ ہونے پر آمنہ جذباتی سفر کو شیئر کررہی ہیں۔‘
اداکارہ نے لکھا کہ ’آمنہ کی آنکھوں میں درد، فاخر کے ساتھ پیارا رشتہ چھوڑنے کا خاموش درد، واقعی میرے دل کو چھو گیا۔
رمہا احمد نے کہا کہ ’آمنہ کا کردار ایک حیرت انگیز تجربہ تھا جس نے مجھے واقعی خوشی دی۔‘
انہوں نے ڈائریکٹر میثم نقوی کو مخاطب کرتے ہوئے لکھا کہ ’مجھے اس جذباتی سواری میں راستہ دکھانے کے لیے بہت شکریہ، مجھے اس شاندار تجربے کا حصہ بننے پر فخر ہے۔
