نئی دہلی: بھارت کے مشہور مسلم اکثریتی علاقے گروگرام (گڑگاؤں) میں مسلمان مخالف پوسٹرز لگ گئے ہیں جن میں دھمکی دی گئی ہے کہ اگر عزت بچانا چاہتے ہیں تو دو دن میں گھر خالی کر دیں۔
بھارتی میڈیا رپورٹس کے مطابق بھارتی ریاست ہریانہ کے علاقے گروگرام میں مسلمانوں کی اکثریتی کچی آبادی میں ہندو انتہا پسندوں نے ایسے پوسٹرز آویزاں کر دیے ہیں جن پر مسلمانوں کو اپنے گھر خالی کرنے کی دھمکی دی گئی ہے۔
این ڈی ٹی وی کے مطابق گروگرام کے سیکٹر 69 اے میں لگے پوسٹرز پر لکھا ہے: ’’کچی آبادی میں رہنے والے اپنے گھر 28 اگست تک خالی کر دیں ورنہ ان کو سنگین نتائج بھگتنا ہوں گے، اگر آپ اپنی عزت بچانا چاہتے ہیں تو دو دنوں میں گھر خالی کریں۔‘
Ahead of Brijmandal #ShobhaYatra in #Nuh, posters threaten Muslims to vacate in #Gurgaon!
Migrant Muslim labourers were threatened & asked to vacate their shanties within 2 days else they will be burned alive!
Many Muslims had decided to leave #Gurugram fearing for their lives! pic.twitter.com/GHrtreByhD
— Muslim Spaces (@MuslimSpaces) August 28, 2023
پولیس نے ایکشن لیتے ہوئے مذکورہ پوسٹرز ہٹا دیے اور نامعلوم افراد کے خلاف مقدمہ درج کر لیا، اسسٹنٹ پولیس کمشنز منوج کمار کا یہ بھی کہنا تھا کہ وہاں موجود کچھ کچی آبادیاں ’غیر قانونی‘ ہیں۔
یاد رہے کہ گروگرام میں کچھ ہی عرصہ قبل ایک مسجد پر حملہ کیا گیا تھا جس میں نائب امام جاں بحق ہو گئے تھے۔
