ایشیا کپ میں بھارت کے خلاف اہم میچ کے لیے پاکستان کی پلیئنگ الیون کا اعلان کردیا گیا ہے۔
ایونٹ کے افتتاحی میچ میں نیپال کے خلاف 238 رنز کی ریکارڈ فتح سے گرین شرٹس کے حوصلے بلند ہیں اور مثبت آغاز سے کھلاڑیوں کے اعتماد میں اضافہ ہوا ہے۔
نیپال کے خلاف کھیلنے والی ٹیم کو بھارت کے سامنے میدان میں اتارا جائے گا اور پلئنگ الیون میں کوئی تبدیلی نہیں کی گئی ہے۔
فخرزمان کے آؤٹ آف فارم ہونے کے باوجود انہیں امام الحق کے ساتھ اوپننگ کے لیے بھیجا جائے گا۔ ون ڈاؤن بابر اعظم اور چوتھے نمبر پر وکٹ کیپر محمدرضوان کھیلیں گے۔
فاسٹ بولنگ اٹیک کا شعبہ شاہین شاہ آفریدی، حارث رؤف اور نسیم شاہ سنبھالیں گے جب کہ اسپن میں شاداب خان، سلمان علی آغا اور افتخار احمد اپنا جادو جگائیں گے۔ آل راؤنڈر میں محمد نواز بھی ٹیم کا حصہ ہوں گے۔
پاکستان پلیئنگ الیون
فخر زمان، امام الحق، بابر اعظم، محمد رضوان (وکٹ کیپر)، آغا سلمان، افتخار احمد، شاداب خان، فہیم اشرف/محمد نواز، شاہین آفریدی، نسیم شاہ، حارث رؤف
Pakistan to field same playing XI tomorrow 🇵🇰#PAKvIND | #AsiaCup2023 pic.twitter.com/qe18Ad6pF4
— Pakistan Cricket (@TheRealPCB) September 1, 2023
