افریقی ملک کینیا کے صدر ولیم روٹو نے کہا ہے کہ ان کا ملک آئندہ چند ماہ میں تمام ملکوں کو ویزہ کی چھوٹے دینے کا ارادہ رکھتا ہے۔

غیر ملکی میڈیا کے مطابق کینیا کے صدر ولیم روٹو نے دارالحکومت نیروبی میں افریقی موسمیاتی سربراہی اجلاس سے خطاب کرتے ہوئے کہا کہ کہا ہے ان کا ملک پوری انسانیت کا گھر ہے اور آنے والے چند ماہ میں ہم تمام ممالک کے لیے ویزا ختم کرنے کا ارادہ رکھتے ہیں۔

ولیم روٹو کا کہنا تھا کہ کینیا نے انسانیت کی پہلی بستیوں کی میزبانی کی ہے اور وہ سمجھتے ہیں کہ یہاں آنے والوں سے ویزا مانگنا درست نہیں ہوگا۔

واضح رہے کہ روٹو نے گزشتہ سال کینیا کی صدارت سنبھالی تھی جس کے بعد انہوں نے کئی ممالک کے ویزے ختم کر دیے تھے جب کہ اس سے قبل انہوں نے اعلان کیا تھا کہ وہ تمام افریقیوں کو کینیا آنے کے لیے ویزے سے استثنیٰ دیں گے۔

Comments