پانچ ہزار والے کرنسی نوٹ کی بندش سے متعلق خبروں پر اہم وضاحت آگئی۔
نگراں وزیراطلاعات مرتضیٰ سولنگی نے سوشل میڈیا پر زیرگردش نوٹیفکیشن کو جعلی قرار دیا ہے جس میں 5 ہزار والے کرنسی نوٹ کو بند کرنے کا متن لکھا گیا ہے۔
نوٹیفکیشن میں 30 ستمبر 2023 کو کرنسی نوٹ کے استعمال کا آخری دن بتایا گیا ہے اور شہریوں سے کہا گیا کہ وہ بینکوں سے 5 ہزار کا نوٹ تبدیل کروالیں۔
اچانک بڑے کرنسی نوٹ کی خبر سن کر شہریوں میں تشویش کی لہر دوڑی تو نگراں حکومت نے نوٹس لیتے ہوئے وضاحت کر دی۔
This is fake. The Govt of Pakistan shall act against the people spreading this kind of fake news to create chaos.
یہ جھوٹا نوٹیفکیشن ہے۔
حکومتِ پاکستان ایسے جھوٹے نوٹیفیکیشن پھیلانے والوں کیخلاف سخت کارروائی کرے گی۔
👇 pic.twitter.com/9yU3DlM5UK— Murtaza Solangi (@murtazasolangi) September 7, 2023
وزیراطلاعات نے ٹوئٹ میں دوٹوک پیغام دیا کہ زیرگردش نوٹیفکیشن جعلی ہے اور 5 ہزار والے کرنسی نوٹ کو ختم کیے جانے کی خبروں میں کوئی صداقت نہیں۔
انہوں نے کہا کہ ایسی جھوٹی خبریں پھیلانے والوں کے خلاف حکومت پاکستان سخت کارروائی کرے گی۔