قومی اسٹار فاسٹ بولر شاہین شاہ آفریدی جو رواں سال فروری میں شاہد آفریدی کی بیٹی انشا سے نکاح کے بندھن میں بندھے تھے اب اپنی دلہنیا کو گھر لے جانے والے ہیں۔
جی ہاں شاہین شاہ آفریدی اور شاہد آفریدی کے چاہنے والوں کے لیے بڑی خبر ہے کہ شاہین شاہ کی شادی کی تاریخ سامنے آ گئی ہے اور وہ ایشیا کپ کے فوری بعد اپنی دلہنیا کو بیاہ کر گھر لے آئیں گے۔
ذرائع کے مطابق انشا آفریدی 19 سمتبر کو رخصت ہوکر پیا دیس سدھاریں گی جب کہ 21 ستمبر کو اسلام آباد میں ولیمے کی تقریب ہوگئی۔
تقریب میں قریبی رشتے داروں کے علاوہ کھلاڑیوں اور کرکٹ سے وابستہ اہم شخصیات کی شرکت متوقع ہے۔
تاہم شادی کی حتمی تاریخ کے حوالے سے شاہد آفریدی یا شاہین شاہ آفریدی کی جانب سے کوئی باضابطہ اعلان سامنے نہیں آیا ہے۔
واضح رہے کہ کچھ چند ماہ قبل شاہد آفریدی کی بڑی بیٹی اقصیٰ کی رخصتی ہوئی تھی اور اس وقت شاہد آفریدی کی جانب سے کہا گیا تھا کہ ان کی صاحبزادی انشا اور شاہین کی شادی ایشیا کپ کے بعد ہوگی۔
