اسلام آباد : نگراں وفاقی وزیر توانائی محمد علی کا کہنا ہے کہ سالانہ ساڑھے تین سو ارب کا نقصان برداشت نہیں کرسکتے، گیس کی قیمتوں پر نظر ثانی کرنا پڑے گی۔
تفصیلات کے مطابق بجلی بلوں سے پریشان عوام پر گیس بم گرانے کی تیاری کرلی گئی ، نگراں وفاقی وزیرتوانائی نے خطرے کی گھنٹی بجادی۔
نگراں وفاقی وزیرتوانائی محمد علی نے کہا کہ سالانہ350 ارب کانقصان برداشت نہیں کرسکتے،محمدعلی گیس کی قیمتوں پرنظرثانی کرناپڑےگی۔
- Advertisement -
محمد علی نے بتایا کہ گیس سیکٹرکاگردشی قرض سودملاکر2700ارب ہوگیا، عدم ادائیگی پرکئی کمپنیاں ملک چھوڑکرچلی گئیں ہیں۔
خیال رہے آئی ایم ایف نے بجلی اورگیس چوروں کیخلاف کریک ڈاؤن اور ریکوری بہتر بنانے پر زوردیتے ہوئے یکم جولائی سے گیس ٹیرف میں پینتالیس سے پچاس فیصد تک اضافے کا مطالبہ کیا ہے۔
