شمالی وزیرستان کے علاقے میرعلی میں دہشت گردوں سے جھڑپ کے دوران لانس نائیک جمشید خان شہید ہوگئے۔
اے آر وائی نیوز کے مطابق آئی ایس پی آر کی جانب سے جاری بیان میں کہا گیا ہے کہ شمالی وزیرستان کےعلاقے میرعلی میں دہشت گردوں سے جھڑپ ہوئی جس میں سیکیورٹی فورسز اور دہشت گردوں کے درمیان شدید فائرنگ کا تبادلہ ہوا۔
دوران جھڑپ لانس نائیک جمشید خان دہشت گردوں سے لڑتے ہوئے جام شہادت نوش کرگئے۔ علاقےمیں ممکنہ دہشت گردوں کی تلاش اور خاتمے کے لیے کلیئرنس آپریشن جاری ہے۔
- Advertisement -
آئی ایس پی آر نے کہا کہ سیکیورٹی فورسز دہشت گردی کے خاتمے کے لیے پُرعزم ہیں، بہادر جوانوں کی قربانیاں ہمارےعزم کو مزید تقویت دیتی ہیں۔
