نیپرا نے ڈسکوز کی بلنگ میں پائی جانے والی بے ضابطگیوں کا سخت نوٹس لیا ہے، اعلیٰ سطح کی کمیٹی ڈسکوز کی کارکردگی کا انداازہ لگائے گی۔
تفصیلات کے مطابق نیپرا کی جانب سے جاری اعلامیے میں کہا گیا ہے کہ ڈسکوز کی بلنگ میں جو بے ضابطگیاں پائی گئی ہیں اس کا سخت نوٹس لیا گیا ہے۔ ڈسکوز کی کارکردگی کو جانچنے کے لیے ایک اعلیٰ سطحی کمیٹی تشکیل دی گئی ہے۔
نیپرا اعلامیے میں کہا گیا ہے کہ ڈسکوز میں حالیہ بلوں میں تضاد و دیگر مسائل کی روشنی میں کمیٹی تشکیل دی گئی ہے۔
کمیٹی ایک ماہ میں تفصیلی رپورٹ پیش کرے گی۔ آج ہونے والی سماعت میں ڈسکوز کے سی ای اوز نے بے ضابطگیوں پروضاحت کی ہے۔ متعلقہ افسران اور اہلکاروں کے خلاف کارروائی پہلےہی شروع کر دی گئی ہے۔
نیپرا حکام کا کہنا تھا کہ نیپرا نے سی ای اوز کو بلنگ کے مسائل ختم کرنے اور صارفین کو ریلیف فراہم کرنے کی ہدایت کی ہے۔ رپورٹ کی بنیاد پر اتھارٹی ان ڈسکوز کے خلاف قانونی کارروائی کرے گی۔
