شوبز انڈسٹری کی ابھرتی ہوئی اداکارہ سحر خان نے آٹزم کی غلط اصطلاح استعمال کرنے کے بعد معافی مانگ لی۔
اداکارہ سحر خان نے حالیہ انٹرویو میں اپنے کیریئر، ڈراموں اور ذاتی زندگی سے متعلق گفتگو کی تاہم انہیں آٹزم کی غلط اصطلاح استعمال کرنے پر تنقید کا نشانہ بنایا گیا جس کے بعد انہوں نے معافی مانگ لی ہے۔
میزبان نے اداکارہ سے سوال کیا کہ وہ کس طرح کا کردار نبھانا چاہتی ہیں؟
سحر خان نے کہا کہ وہ بھارتی اداکارہ پریانکا چوپڑا کی فلم ’برفی‘ میں برفی کے کردار ’جھلمل‘ کی طرح سائیکوپیتھ، پاگل لڑکی کا کردار کرنے کا شوق ہے اور چاہتی ہیں کہ کبھی انہیں اس طرح کا کردار آفر ہو۔
اداکارہ کا یہ انٹرویو کلپ سوشل میڈیا پر وائرل ہوگیا اور انہیں شدید تنقید کا نشانہ بنایا گیا، کئی سوشل میڈیا صارفین نے اداکارہ کو مخاطب کرتے ہوئے بتایا کہ ’فلم برفی میں جھلمل پاگل یا سائیکوپیتھ نہیں تھی، وہ ذہنی دباؤ کا شکار نہیں تھی بلکہ اسے ’آٹزم‘ کا مرض لاحق تھا اور اس کو درست انداز میں ’آٹسٹک‘ کہا جاسکتا ہے۔
Dear Sehar, The proper term to use here is autistic. Jhilmil wasn't abnormal or a psychopath;she was autistic.When someone with a disability/psychological disorder is referred to as "abnormal" it conveys the wrong idea that those with disabilities are deviant or strange.(1/3) pic.twitter.com/sS1WtJ5GQq
— Ann❄️ (@mukhtalifff_) September 13, 2023
سوشل میڈیا صارفین کی جانب سے شدید تنقید کی زد میں آنے کے بعد اداکارہ نے سوشل میڈیا پلیٹ فارم ایکس (سابق ٹوئٹر) پر وضاحتی بیان جاری کردیا۔
انہوں نے لکھا کہ حالیہ انٹرویو کے دوران زبان پھسلنے کے باعث مجھ سے غلطی ہوگئی، میرا کہنے کا مطلب یہ تھا کہ میں ایک ذہنی معذور شخص کا کردار کرنا چاہتی ہوں۔ مجھے سوال کا جواب دینے سے پہلے اپنے خیالات کو اکٹھا کرنا چاہیے تھا تاکہ خود کو بہتر انداز میں بیان کرسکوں۔
In a recent interview I meant to say I want to do a role of a differently abled person but due to slip of tongue, I mistakenly said something else. I should have gathered my thoughts before answering the question to express myself better. (1/2)
— sehar khan (@iamseharkhan) September 13, 2023
سحر خان نے مزید لکھا کہ ذہنی معذور اور خصوصی افراد ہمارے معاشرے کا ایک اہم حصہ ہیں اور میں ایسے افراد کا دل سے احترام کرتی ہوں، اس لیے اگر میں نے غیر ارادی طور پر کسی کو تکلیف پہنچائی ہے تو میں معذرت خواہ ہوں۔
Mental disabilities and special needs are a very important matter, and I have immense respect for people who are dealing with them; hence I apologize if I unintentionally hurt anyone. (2/2)
— sehar khan (@iamseharkhan) September 13, 2023