راولپنڈی : سابق وزیر شیخ رشید نے نیب ترامیم کیس کے فیصلے پر کہا کہ آج عمرعطابندیال نےآخری بال پر زبردست چھکا مارا ہے۔
تفصیلات کے مطابق سابق وزیر شیخ رشید نے سپریم کورٹ کی جانب سے نیب ترامیم کالعدم قراردینے کے فیصلے پر ویڈیو پیغام میں کہا کہ آج عمرعطابندیال نےآخری بال پر زبردست چھکا مارا ہے، آج وہ خاک وہیں پرپہنچ گئی جہاں کا خمیر تھا۔
شیخ رشید کا کہنا تھا کہ حالات اورواقعات بتائیں گےفیصلے کےکتنےدوررس نتائج ہونگے،کرپشن کوئی بھی کرے اس کو قانون کے شکنجے میں آنا چاہیے، یہ قانون وہیں سےشروع ہوں گے جہاں سے ان کو لپیٹ دیاگیاتھا۔
سابق وزیر نے کہا کہ غریب بجلی کے بلوں ،آٹے ،چینی،بیروزگاری سے مررہا ہے، یہ اربوں کھربوں لوٹ کر،منہ صاف کر کےلندن بھاگ گئے۔
ان کا مزید کہنا تھا کہ ملک الیکشن کی طرف بڑھ رہا ہے،لوگوں کوبھی پتا چلےچورچوکیدارنہیں بن سکتے، ہمارے عظیم ادارےاور عظیم افواج ہے، جنہوں نے پاکستان کے خزانے کو لوٹاہے ان کو نکیل ڈلے گی۔
— Sheikh Rasheed Ahmed fan (@shkhrashied) September 15, 2023
