پی آئی اے ملازمین کے لیے اچھی خبر ہے کہ انہیں تنخواہیں ادا کر دی گئی ہیں۔
ذرائع کے مطابق بینکوں کے بعد سول ایوی ایشن اتھارٹی کی جانب سے پی آئی اے کو مالی تعاون فراہم کیا گیا ہے۔ سول ایوی ایشن اتھارٹی نے پی آئی اے کو ایک ارب روپے کے فنڈز جاری کر دیے۔
ذرائع کا کہنا ہے کہ فنڈز ملنے پر پی آئی اے نے ملازمین کی تنخواہیں ادا کر دی ہیں۔
قومی ایئرلائن ( پی آئی اے ) کی نجکاری کا فیصلہ ہوتے ہی بینکوں نے پی آئی اے کیلئے قرضہ منظور کرلیا۔
ذرائع نے بتایا کہ امریکا میں پی آئی اے کا روزویلٹ ہوٹل بھی نجکاری فہرست میں شامل ہیں ، بینکوں کی جانب سے پی آئی اے کو 18 ارب روپے کا قلیل المدت قرضہ دیا جائے گا۔
ذرائع کا کہنا تھا کہ 7 سے 10 دن کیلئے دیئے گئے اس قرض سےانتہائی ضروری ادائیگیاں کی جائیں گی، رقم منتقل ہوتے ہی آج شام سے پی آئی اے کا آپریشن معمول پر آنا شروع ہوجائے گا۔
قرض ملنے کے بعد گراؤنڈ بوئنگ 777 دو طیارے شام تک فلیٹ میں شامل ہوں گے ، نجکاری کا عمل مکمل ہونے تک پی آئی اے کو آپریشنل رکھنے کا فیصلہ کیا گیا ہے۔