معروف پاکستانی گلوکار عاصم اظہر کا کہنا ہے کہ گانا ’چن ماہیا‘ منگیتر میرب علی کے لیے نہیں لکھا ہے۔
گلوکار عاصم اظہر نے حالیہ انٹرویو میں کہا ہے کہ گانا ’چن ماہیا‘ اپنی منگیتر سے متاثر ہوکر ان کے لیے نہیں لکھا بلکہ ان کے لیے لکھا ہے جو وعدوں سے گھبراتے ہیں۔
انہوں نے کہا کہ جو گانے میرب علی کے لیے لکھے ہیں وہ جلد ریلیز کریں گے تاہم ان کے گانے اپنی زندگی کے تجربات پر منحصر نہیں کرتے بلکہ ایک تصوراتی دنیا میں ڈوب کر وہ گانے لکھتے ہیں۔
ایک سوال کے جواب میں عاصم اظہر نے کہا کہ پہلے تنقید کو دل سے لگا لیتا تھا لیکن اب اس بارے میں سوچنا چھوڑ دیا ہے اور وقت کے ساتھ ساتھ حالات سے نمٹنا سیکھ لیا ہے اب گھر کے باہر ہونے والی تنقید کو گھر سے باہر ہی چھوڑ دیتا ہوں۔
پی ایس ایل کے ترانے پر تنقید سے متعلق انہوں نے کہا کہ میں نے تسلیم کرلیا ہے کہ لوگ کبھی ایک ترانے کو پسند نہیں کریں گے اور کوئی اس سے اختلاف کرے گا تو اسے اچھا سمجھا جائے گا۔
اس سے قبل عاصم اظہر کا کہنا تھا کہ اپنی بیوقوفیوں سے بہت کچھ سیکھا ہے میرب علی نے بھی میرا بہت ساتھ دیا ہے وہ ہمیشہ سپورٹ کرتی ہے۔
ان کا کہنا تھا کہ ’میرب ایک بہت اچھی انسان ہیں جو ہر کسی کا سوچتی ہیں ایسے لوگ آج کل نہیں ملتے۔
عاصم اظہر کا کہنا تھا کہ جو شرارتی نہ ہو وہ بچہ نہیں ہوتا وہ پھر بزرگ ہی ہوتا ہے، میں بہت ہائپر تھا والدین کے اوپر کولڈڈرنک گرا دیتا تھا، کھیلنے کا بہت شوق تھا لیکن میں نے فرمانبرداری بھی کی ہے ڈانٹ بھی بہت کھائی ہے۔
