دیکھنے میں انتہائی معصوم مگر شرارتی گلہریوں نے سپر پاور امریکا کی ایک ریاست کی بجلی ہی بند کر دی۔
آپ نے گھر کی دیواروں، درختوں پر پھدکتی پھرتی معصوم صورت گلہریوں کو دیکھا ہوگا جو چست وچالاکی میں اپنی مثال آپ ہوتی ہیں اور بعض اوقات ایسے کرتب دکھا جاتی ہیں کہ عقل بھی حیران رہ جاتی ہے۔
تاہم ان شرارتی گلہریوں نے تو امریکا کی ریاست مونٹانو میں ایسا اُدھم مچایا کہ پورا شہر تاریکی میں ڈوب گیا اور حکام کی دوڑیں لگ گئیں۔
غیر ملکی میڈیا رپورٹ کے مطابق موٹنانو شہر کے باسیوں کو دو روز میں تین بار بجلی کی بندش کا سامنا کرنا پڑا اور اس کی وجہ کوئی ٹینیکل فالٹ نہیں بلکہ شرارتی گلہریاں تھیں۔
بجلی فراہمی کے ادارے نارتھ ویسٹرن انرجی نے کہا کہ مسولا، مونٹ میں دو دنوں کے دوران تین بار بجلی کی بندش ہوئی۔ نارتھ ہفتے کو تقریباً 14,500 صارفین 45 منٹ تک بجلی سے محروم رہے جس کی وجہ گلہریاں بنیں۔
نارتھ ویسٹ انرجی کا کہنا ہے کہ گلہریاں صرف بجلی بندش کی وجہ ہی نہیں بنیں بلکہ ایک گلہری نے تو سب اسٹیشن پر سامان کو بھی نقصان پہنچایا ہے۔
مونٹانا شہر میں یوٹیلیٹی حکام نے بجلی بندش واقعات کی تحقیقات کے بعد بیان جاری کیا ہے جس میں کہا گیا ہے کہ دو دنوں کے دوران تین بار الگ الگ بجلی کی بندش کی ذمے دار گلہریاں تھیں اور یہ بریک ڈاؤن گلہریوں کی طرف سے آلات کے ساتھ چھیڑ چھاڑ کی وجہ سے ہوئے تھے۔
