نیویارک : نگراں وزیر اعظم انوار الحق کاکڑ کا کہنا ہے کہ کسی بھی سیاسی جماعت کوانتخابی عمل میں حصہ لینے سے نہیں روکامگر 9 مئی واقعات میں ملوث عناصر کے خلاف قانون کے تحت کارروائی ہوگی۔
تفصیلات کے مطابق نیویارک میں نگراں وزیر اعظم انوار الحق کاکڑ نے پریس کانفرنس کرتے ہوئے کہا کہ ملک میں انتخابات کاانعقادالیکشن کمیشن کی ذمہ داری ہے، نگران حکومت کا کام الیکشن کمیشن کو صاف شفاف انتخابات میں معاونت فراہم کرنا ہے۔
انوار الحق کاکڑ کا کہنا تھا کہ کسی بھی سیاسی جماعت کو الیکٹرول نظام میں حصہ لینے سے نہیں روکا گیا مگر 9 مئی واقعات میں ملوث عناصر کے خلاف قانون کےتحت کارروائی ہوگی۔ 9
حکومتی اقدامات کے حوالے سے نگراں وزیراعظم نے کہا کہ ذخیرہ اندوزی اورڈالراسمگلنگ کےخلاف اقدامات سےمثبت نتائج ملےہیں، حکومتی پالیسیوں کی وجہ سے بیرونی سرمایہ کار پاکستان میں سرمایہ کاری کیلئے تیار ہیں۔
ان کا کہنا تھا کہ ہم نے چینی اور آٹا مافیا کے خلاف کارروائیاں کی ہیں اس وقت ملک میں آٹےاورچینی سمیت اناج کی کوئی قلت نہیں، ذخیرہ اندوزوں کے خلاف مؤثراقدامات کیے گئے ہیں، ہم نےمؤثراقدامات کرکےمصنوعی مہنگائی کو روکا ہے۔
انوار الحق کاکڑ نے بتایا کہ کسی قسم کی سفارتی تنہائی کا شکارنہیں،پاکستان بیشتر فورمز کااہم رکن ہے، اوآئی سی وزرائےخارجہ اجلاس میں سعودی عرب نےکشمیرسےمتعلق پاکستانی مؤقف کی بھرپورحمایت کی، پاکستانی مؤقف کی کھل کرحمایت کرنےپرسعودی عرب کےمشکورہیں۔
