سابق بھارتی کرکٹر گوتم گمبھیر نے پاکستانی کرکٹ ٹیم کے کپتان بابر اعظم کی غیر معمولی صلاحیتوں کو سراہتے ہوئے کہا ہے کہ وہ آئندہ ورلڈ کپ میں غیر معمولی کارکردگی کا مظاہرہ کرسکتے ہیں۔
بھارت کے سابق سپر اسٹار کھلاڑی گوتم گمبھیر نے بھارتی میڈیا سے بات کرتے ہوئے بابر اعظم کی مخصوص صلاحیتوں کہ جس آسانی کے ساتھ وہ کھیلتے ہیں، پر روشنی ڈالی۔ انہوں نے زور دے کر کہا کہ واقعی ہمارے روہت شرما، ویرات کوہلی، کین ولیمسن، جو روٹ اور ڈیوڈ وارنر جیسے کھلاڑی موجود ہیں لیکن بابر اعظم کا معیار مختلف ہے۔
.@GautamGambhir will eagerly watch out for @babarazam258's performance this #CWC2023. 👀
Will Babar prove to be the BEST against the rest on the BIGGEST stage?#WorldCupOnStar#Cricket pic.twitter.com/CwccE3r5JI
— Star Sports (@StarSportsIndia) September 23, 2023
گمبھیر کا کہنا تھا کہ بابر اعظم میں ہر وہ خوبی ہے جس سے وہ اس ورلڈ کپ کو سنسنی خیز بنا سکتے ہیں، انہوں نے کہا کہ میں نے بہت کم ایسے کھلاڑی دیکھے ہیں جن کے پاس بیٹنگ کرنے کی غیر معمولی صلاحیتیں ہیں۔
واضح رہے پاکستان کرکٹ ٹیم کے کپتان بابر اعظم پاکستان کے لئے 108 میچ کھیل چکے ہیں، انہیں بہترین بلے بازوں میں تصور کیا جاتا ہے، انہوں نے 105 اننگز میں 5409 رنز بنائے ہیں اور ان کی اوسط 58.16 ہے۔
آئی سی سی مینز ورلڈ کپ جو کہ 5 اکتوبر 2023 سے بھارت میں شروع ہونے والا ہے جس میں بابر اعظم الیون 6 اکتوبر سے ہالینڈ کے خلاف اپنی مہم کا آغاز کرے گی۔
