کراچی: ضلع جنوبی میں غیررجسٹرڈ، جعلی ادویات کے خلاف کریک ڈاؤن کرتے ہوئے میڈیکل اسٹورز سیل کردیے گئے، متعدد پر جرمانہ بھی عائد کیا گیا۔
تفصیلات کے مطابق اوورپرائسنگ، زائدالمدت، لائف سیونگ ڈرگس کی ذخیرہ اندوزی پر میڈیکل اسٹورز کے خلاف کارروائی کی گئی۔ کارروائیوں میں 20 میڈیکل اسٹورز پر3 لاکھ 80 ہزارکے جرمانے عائد کیے گئے۔
اے سی کی جانب سے بتایا گیا کہ 2 میڈیکل اسٹورز کو سیل کردیا گیا ہے جب کہ متعدد کو وارننگ جاری کی گئی ہیں۔
کلفٹن، گزری اور متعدد علاقوں میں کارروائیاں کی گئی ہیں۔ 3 میڈیکل اسٹورز پر1 لاکھ 20 ہزار روپے کے جرمانے عائد کیے گئے۔
لیاری جنرل اسپتال، چاکیواڑہ اور لی مارکیٹ سمیت مختلف علاقوں میں بھی کارروائی عمل میں لائی گئی۔ 15 میڈیکل اسٹورز پر 1 لاکھ 60 ہزار روپے کے جرمانے عائد کیے گئے۔ گارڈن میں 2 میڈیکل اسٹورزپر1 لاکھ روپے جرمانہ کرتے ہوئے 2 دکانیں سیل کی گئیں۔
