قصور میں ناقص انجیکشن سے بینائی متاثر ہونے کے معاملے کا نوٹس لیتے ہوئے ڈرگ کنٹرول اتھارٹی نے انجکشن کمپنی کے گودام پر چھاپہ مارا ہے۔
تفصیلات کے مطابق ناقص انجیکشن بنانے والی کمپنی کے خلاف ایکشن لیتے ہوئے ڈرگ کنٹرول اتھارٹی نے ان کے گودام پر چھاپہ مارا ہے۔ حکام نے گودام کو سیل کر کے ایویسٹن انجکشن کا اسٹاک قبضے میں لے لیا ہے۔
ڈرگ اتھارٹی کے حکام نے مریضوں اور اسپتالوں کو سپلائی کیا جانے والا ریکارڈ بھی اپنی تحویل میں لے لیا ہے۔
نگران وزیر پرائمری ہیلتھ جمال ناصر نے کہا کہ انجیکشن ٹیسٹ کے لیے لیبارٹری بھجوائے جا رہے ہیں۔ آج رات تک ایف آئی آر درج ہوجائے گی۔
انھوں نے کہا کہ کمپنی مالک کی گرفتاری کے لیے چھاپے مارے جا رہے ہیں۔ دیگر اضلاع کی پولیس سے بھی گرفتاری میں مدد لی جارہی ہے۔
نگران وزیر جمال ناصر کا اس حوالے سے مزید کہنا تھا کہ کوشش ہے کہ یہ ناقص انجیکشن مزید استعمال نہ ہوں۔
