کراچی : قومی ایئرلائن (پی آئی اے) کی تنظیم نو کے لئے ماہر تجربہ کار فرمز سے درخواست طلب کرلیں ، کارپوریٹ اور لافرمز پی آئی اے کی تنظیم نو کا پلان مرتب کرے گی۔
تفصیلات کے مطابق نجکاری کیلئے قومی ایئرلائن (پی آئی اے) کی تنظیم نو کا کام تیز کردیا گیا ، اس سلسلے میں پی آئی اے انتظامیہ قانونی اور کارپوریٹ فرمز کی خدمات حاصل کرے گی۔
پی آئی اے کی تنظیم نو منصوبے کی ماہر تجربہ کار فرمز سے درخواست طلب کرلی گئی ہے، کارپوریٹ اور لافرمز پی آئی اے کی تنظیم نو کا پلان مرتب کرے گی۔
پی آئی اے شعبہ کنٹریکٹ مینجمنٹ کو 6 اکتوبر تک درخواستیں بھیجنے کی ہدایت کی ہے۔
یاد رہے پی آئی اے کو دو کمپنیوں میں تقسیم کرنے کیلئے اقدامات شروع کردیئے گئے اور پی آئی اے کی نجکاری کیلئے ضروری بیلنس شیت ریسٹکچرنگ کیلئے مالی مشیر کی خدمات طلب کرلی گئیں تھیں۔
ذرائع کا کہنا تھا کہ پی آئی اے کی مالی تنظیم نو کیلئے مختلف منصوبوں پر مالی مشیر سے تجاویز لی جائیں گی ، جس میں پی آئی اے کو دو کمپنیوں میں تقسیم کرنے یا پی آئی اے کو ایک ہولڈنگ کمپنی کے ماتحت ادارہ بنانے کی تجاویز شامل ہیں۔
پی آئی اے کے تمام اثاثے بشمول جائیدادیں، تمام قرضاجات، جہاز اور ملازمین نئی کمپنی کو منتقل کردیئے جائیں گے اور پی آئی اے بحیثیت مالی طور پر صاف یا قرضوں سے پاک کمپنی کو نجکاری کیلئے سرمایہ کاروں کو پیش کیا جائے گا۔