اسلام آباد :سعودی حکومت نے آئندہ ماہ سے نئی عمرہ ویزہ پالیسی جاری کرنیکا فیصلہ کیا ہے۔
نئی عمرہ پالیسی کے تحت پاکستانی عمرہ زائرین کیلئے ویزہ کی مدت ایک ماہ ہوگی تفصیلات کے مطابق 13 سے 71 سال کی عمرہ والے زائرین کو اس وقت تک ویزہ جاری نہیں کیا جائے گا جب تک وہ فنگر پرنٹس اور آنکھوں کی سکیننگ کے ثبوت پیش نہیں کرتے جبکہ 12 سال سے کم عمر زائرین کو فنگر پرنٹس کی شرط سے مستثنیٰ قرار دیا گیا ہے۔
رمضان میں عمرہ زائرین کو کوٹہ سسٹم کے تحت ویزے جاری کئے جائیں گے۔
- Advertisement -
نئی عمرہ پالیسی کے تحت وزٹ ویزہ اپلائی کرنے والوں کیلئے 2780 روپے جبکہ عمرہ زائرین کی رجسٹریشن فیس 500 روپے فی کس ہوگی، وزیرِ مذہبی امور سردار محمد یوسف نے کہا کہ بائیومیٹرک رجسٹریشن سعودی حکومت کی طرف سے لازمی قرار دی گئی ہے۔
