عالمی کپ کے آغاز سے چند روز قبل آسٹریلیا کو بڑا دھچکا لگ گیا۔
آسٹریلوی اسپنر ایسٹن آگر پنڈلی کی انجری کے باعث ون ڈے ورلڈ کپ سے باہر ہو گئے۔ توقع ہے کہ اسپنرز آنے والے ون ڈے ورلڈ کپ میں بہت بڑا کردار ادا کریں گے ایسے میں کینگروز کے اہم اسپنر کا ان فٹ ہونا ٹیم کے لیے بڑا نقصان ہے۔
وہ اسپنر جو اچھی بیٹنگ کرنا جانتے ہیں ان کی ٹیم میں ترجیحی بنیادوں پر شمولیت کی جائے گی۔ اس سلسلے میں آسٹریلیا کو اسپن باؤلنگ آل راؤنڈر ایسٹن ایگر کو اپنی صفوں میں رکھنے کا فائدہ ملا جن کے پاس تقریباً دس سال کا بین الاقوامی تجربہ ہے۔
تاہم صرف ایک ہفتے کے عرصے میں ورلڈ کپ شروع ہونے کے ساتھ ہی پانچ مرتبہ کے چیمپئنز کو تباہ کن دھچکا لگا ہے کیونکہ 29 سالہ کھلاڑی پنڈلی کی انجری کے باعث ایونٹ سے باہر ہو گئے ہیں۔
ویسٹرن آسٹریلیا کے ساتھ ٹریننگ کے دوران، جنوبی افریقہ کے خلاف سیریز سے پہلے بائیں ہاتھ کے اسپنر کو معمولی درد کا سامنا کرنا پڑا۔ وہ پروٹیز کے خلاف ٹی ٹوئنٹی سے محروم رہے لیکن ٹور کے ون ڈے لیگ میں واپس آئے تاہم، پہلا میچ کھیلنے کے بعد انہیں تکلیف سے چھٹکارا نہیں ملا اور وہ میگا ایونٹ میں نمائندگی سے محروم ہو گئے۔
