آج کل ہر دوسرا شخص جوڑوں کے درد کی شکایت کرتا نظر آتا ہے تو کسی کے دانت کمزور ہوتے ہیں، ڈاکٹرز پر ہزاروں روپے خرچ کرنے کے باوجود بھی ان بیماریوں سے مکمل چھٹکارا نہیں مل پاتا، مگر آج ہم آپ کو ان بیماریوں کا آسان اور سستا علاج بتاتے ہیں۔
چھوہارے کی اگر بات کی جائے تو یہ سرخ رنگ خوش ذائقہ اور اس کی تاثیر گرم ہوتی ہے، لیکن شاید آپ کو چھوہارے کی اہمیت کا اندازہ نہیں، آج ہم آپ کو اس شائستہ پھل کے متعدد فوائد کے بارے میں آگاہ کریں گے۔
اگر آپ کے دانت کمزور ہیں، ان سے خون آتا ہے یا درد کی شکایت ہے تو ایک گلاس دودھ میں 10 چھوہارے ابال کر پی لیجئے، اس سے بہت زیادہ افاقہ ہوگا، چھوہارا دانتوں کو مضبوط بنانے میں بھی اہم کردار ادا کرتا ہے، یہ دانتوں کو گرنے سے بھی روکتا ہے۔
جوڑوں کے درد اور سوجن کے لئے 7 چھوہارے پانچ ماشے دودھ میں پیس کر صبح ناشتے کے ساتھ استعمال کریں، آپ خود فرق محسوس کریں گے۔
ایک کپ دودھ میں سات دانے بھگو کر حاملہ عورت کو کھلانے سے بچے کی پیدائش کا عمل بھی آسان ہوجاتا ہے، دودھ کے ساتھ چھوہارے پینے سے کمر کے درد میں آرام ملتا ہے۔
چھوہارے آپ کے پھیپھڑوں کو بھی مضبوط بناتے ہیں، یہ آپ کے پھیپھڑوں کی صحت کے لئے انتہائی مفید ہیں، جبکہ اس کے استعمال سے گردے بھی محفوظ رہتے ہیں۔
