کراچی: چیف میٹرولوجسٹ سردار سرفراز نے کہا ہے کہ کراچی میں آج سے گرمی کی شدت میں کمی ہوگی۔
تفصیلات کے مطابق سخت گرمی سے پریشان کراچی کے شہریوں کے لیے موسم کی تبدیلی کی خوش خبری دیتے ہوئے چیف میٹرولوجسٹ سردار سرفراز نے کہا ہے کہ شمالی سمت سے چلنے والی ہوا کا رخ تبدیل ہو گیا ہے۔
انھوں نے بتایا ’’آج سے شہر میں جنوب مغرب کی سمت سے ہوائیں چلیں گی، اور شہر کا زیادہ سے زیادہ درجہ حرارت 37 سے 38 ڈگری تک جا سکتا ہے۔‘‘
کراچی میں شدید گرمی کی لہر، آج بھی پارہ 40 ڈگری سے اوپر جانے کا امکان
چیف میٹرولوجسٹ کے مطابق کل سے درجہ حرارت میں مزید کمی ہونے کا امکان ہے، جب کہ آنے والے دنوں میں موسم بہتر رہے گا، تاہم انھوں نے کہا کہ بارش کا کوئی امکان نہیں ہے۔
