وینس: اٹلی کے شہر وینس میں سیاحوں کی بس پُل سے نیچے گر گئی، خوف ناک حادثے میں 21 افراد ہلاک اور 20 زخمی ہو گئے۔
غیر ملکی میڈیا رپورٹس کے مطابق مقامی حکام نے بتایا ہے کہ شمالی اٹلی میں وینس کے قریب غیر ملکی سیاحوں کو لے جانے والی ایک بس اوور پاس سے بے قابو ہو کر تقریباً 15 میٹر (50 فٹ) نیچے گر گئی اور آگ لگنے سے اکیس افراد ہلاک اور بیس زخمی ہو گئے، جب کہ 5 افراد تاحال لاپتا ہیں۔
Scene in Venice, Italy where a bus plunged off an overpass, killing at least 21 people pic.twitter.com/l5pgpqVuSb
— BNO News (@BNONews) October 3, 2023
بس منگل کی شام کو پُل پر گزرتے ہوئے ایک بیریئر سے ٹکرا گئی، اور نیچے بجلی کے تاروں پر جا گری، جس سے بس میں آگ لگ گئی، اس خوف ناک حادثے کی وجہ واضح نہیں ہو سکی ہے۔
مقام حکام کا کہنا ہے کہ مرنے والوں میں پانچ یوکرینی، ایک جرمن اور اطالوی ڈرائیور شامل ہیں، جب کہ بس میں 40 مسافر سوار تھے، مرنے والوں میں 4 بچے بھی شامل ہیں۔
At least 21 people died and 18 were injured after a bus carrying tourists to a campground crashed off an overpass near Venice in northern Italy and caught fire https://t.co/utvIkeTa6l pic.twitter.com/E4SubUChAd
— Reuters (@Reuters) October 4, 2023
وینس کے میئر نے سوشل میڈیا پر ایک پوسٹ میں متاثرین کی یاد میں سرکاری سوگ کا اعلان کیا۔ بی بی سی کے مطابق کچھ رپورٹس میں بتایا گیا ہے کہ بس میتھین گیس سے چل رہی تھی اور بجلی کے تاروں پر گرنے سے اس میں آگ لگ گئی۔
