پی سی بی مینجمنٹ کمیٹی کے چیئرمین ذکا اشرف نے پاکستانی کرکٹ ٹیم کیلئے نیک تمناؤں کا اظہار کیا ہے۔
ورلڈکپ کے آغاز سے قبل ذکااشرف نے کہا کہ نیک تمناؤں اور دعاؤں کیساتھ پاکستانی ٹیم میدان میں اترے گی، ہار جیت کھیل کا حصہ ہے پوری قوم اس ٹیم کے ساتھ ہے۔
https://x.com/TheRealPCB/status/1709545279282991545?s=20
ذکااشرف نے کہا کہ امید ہے کہ یہ ٹیم میدان میں ڈٹ کر مقابلہ کرے گی ہم سب توقع کرتے ہیں کہ یہ ٹیم ورلڈ کپ جیت کر وطن واپس آئے گی۔
دوسری جانب بابر اعظم نے کہا کہ ورلڈ کپ کے لیے ہماری تیاری اچھی ہے اور دونوں وارم اپ میچوں سے اچھی پریکٹس ملی ہے۔
قومی کپتان نے کہا کہ کسی بھی ٹورنامنٹ کا افتتاحی میچ جیتنا بہت اہم ہوتا ہے۔ ہم ورلڈ کپ میں کسی بھی ٹیم کو آسان نہیں لے سکتے، ہر میچ میں پہلی بال سے جیت کے لیے جائیں گے۔
انہوں ن ے نیدر لینڈ کی ٹیم کو ورلڈ کپ کھیلنے پر مبارکباد پیش کرتے ہوئے کہا کہ نیدر لینڈ ٹیم بہت اچھی ٹیم ہے جو کوالیفائنگ راؤنڈ میں بہترین کرکٹ کھیل کر آئی ہے۔
