آن لائن کلاس کے دوران ایک طالب علم نے اپنے استاد کی چپل سے پٹائی کر دی جس کی ویڈیو سوشل میڈیا پر زیرِ بحث ہے۔
میڈیا رپورٹس کے مطابق یہ واقعہ بھارت میں پیش آیا جہاں استاد فزکس ایپ کے ذریعے کلاس لے رہا تھا اور اچانک ایک طالب علم نے چپل سے حملہ کر دیا۔
ویڈیو میں دیکھا جا سکتا ہے کہ معمول کے مطابق کلاس جاری تھی کہ اچانک طالب علم نے استاد پر حملہ کر دیا۔ ویڈیو میں استاد خود کو بچاتے ہوئے نظر آ رہا ہے۔
اب تک یہ تو معلوم نہیں ہو سکا کہ طالب علم نے ٹیچر پر چپل کے وار کیوں کیے لیکن سوشل میڈیا پر ہر کوئی اس واقعے کی مذمت کر رہا ہے۔
فزکس ایپ کی بنیاد 2016 میں اتر پردیش کے ایک ماہر تعلیم الکھ پانڈے نے رکھی تھی جس کا مقصد طلبا کو امتحانات کی تیاری کروانا ہے۔ اس ایپ سے بھارت میں لاکھوں طالب علم مستفید ہو رہے ہیں۔
Student slaps Physics Wallah teacher during live class#physicswallah pic.twitter.com/NWN9Dd47j0
— NewsDrum (@thenewsdrum) October 6, 2023