پاکستانی شوبز انڈسٹری کی معروف اداکارہ سارہ خان نے اپنی لاڈلی بیٹی عالیانہ کی خصوصی تصاویر شیئر کی ہے۔
فوٹو اینڈ ویڈیو شیئرنگ ایپ انسٹاگرام پر اداکارہ سارہ خان نے اپنی بیٹی عالیانہ فلک کی کچھ معصومیت سے بھری تصاویر شیئر کیں۔
تصاویر میں عالیانہ کھیلتے کودتے دکھائی دے ر ہی ہیں، مذکورہ پوسٹ شیئر کرتے ہوئے سارہ نے لکھا کہ الحمد اللہ، میری بیٹی آج 2 سال کی ہوگئی ہے، بے شک اولاد کی نعمت اللہ پاک کی دی ہوئی سب سے بڑی نعمت ہے۔
View this post on Instagram
اداکارہ کی اس پوسٹ کو چند گھنٹوں میں ہزاروں سے زائد لائکس مل چکے ہیں جبکہ ان کے مداحوں کی جانب سے انہیں ڈھیر ساری دعائیں بھی مل رہی ہیں۔
رقصِ بسمل جیسے ڈراموں میں لوگوں کو اپنی معصومیت اور اداکاری سے دیوانہ بنانے والی اداکارہ سارہ خان نے 16 جولائی 2020 میں گلوکار فلک شبیر سے لاہور میں شادی کی تھی، 8 اکتوبر 2021 کو اللہ نے انہیں بیٹی کی نعمت سے نوازا۔
View this post on Instagram
واضح رہے کہ سارہ خان، شوہر فلک شبیر اور بیٹی عالیانہ فلک کے ساتھ اکثر تصاویر شیئر کرتی رہتی ہیں جسے ان کے مداح بھی پسند کرتے ہیں۔
