بخار میں مبتلا بھارتی اوپنر شبمن گل کے پاکستان کے خلاف بڑے میچ میں بھی شرکت مشکوک ہے۔
شبمن گل چنئی میں طبی ماہرین کی نگرانی ہیں اور وہ 11 اکتوبر کو افغانستان کے خلاف ہندوستان کے اگلے ورلڈ کپ میچ سے باہر ہوگئے ہیں۔
ڈاکٹروں سے کلیئرنس ملنے کے بعد گِل کے دوبارہ ٹیم میں شامل ہونے کی امید ہے اگرچہ اس بات کا امکان بہت کم ہے کہ وہ پاکستان کے خلاف کھیلیں گے تاہم وہ صحت یابی کی راہ پر گامزن ہیں جس میں نمایاں بہتری دکھائی دے رہی ہے۔
میڈیا رپورٹس کے مطابق 8 اکتوبر کو گل کو اسپتال میں داخل کرایا گیا تھا اور ان کے پلیٹلیٹ کی تعداد میں کمی واقع ہوئی تھی۔
گیل کی حالت کے بارے میں ہندوستانی ٹیم مینجمنٹ یا بورڈ آف کنٹرول فار کرکٹ ان انڈیا (بی سی سی آئی) کی طرف سے کوئی باضابطہ اعلان نہیں کیا گیا ہے۔
کوچ راہول ڈریوڈ، کپتان روہت شرما، اور بولنگ کوچ پارس مہمبرے نے اشارہ دیا ہے کہ گل کو ابھی تک خارج نہیں کیا گیا۔
روہت شرمان نے کہا کہ شبمن گل 100 فیصد تندرست نہیں وہ بیمار ہیں لہذا انجری کی کوئی تشویش بات نہیں ہے ہم روزانہ کی بنیاد پر ان کی نگرانی کر رہے ہیں ہم انہیں صحت یاب ہونے کا ہر موقع دیں گے اور دیکھیں گے کہ وہ کیسا محسوس کر رہے ہیں۔
