سینٹ کی قائمہ کمیٹی برائے خزانہ اوراقتصادی امور کا اہم اجلاس آج ہوگا، اجلاس میں پی آئی اے کی نجکاری اور آئی ایم ایف کے ساتھ کیے گئے وعدوں کے معاملے پر کمیٹی کے ارکان کو اعتماد میں لیا جائے گا۔
ذرائع کے مطابق سینٹ کی قائمہ کمیٹی اپنے آج ہونیوالے اجلاس میں حکومت سے پی آئی اے کی نجکاری کے بارے میں تفصیلی بریفنگ لے گی، اس کے علاوہ آئی ایم ایف کے ساتھ طے پانے والے معاہدے میں نجکاری کے بارے میں حکومت کی جانب سے کئے گئے وعدے وعید کے بارے میں بھی تفصیلی جواب طلب کیا جائیگا۔
واضح رہے کہ سینٹ میں حزب اختلاف حکومت کو آئی ایم یف کے ساتھ طے پانے والے معاہدے اور پی آئی اے کی نجکاری کے حوالے سے شدید تنقید کا نشانہ بناتی رہی ہے۔
