سابق بھارتی مایہ ناز بیٹر سچن ٹنڈولکر نے فاسٹ بولر شعیب اختر کے ٹوئٹ پر ردعمل دے دیا۔
احمد آباد کے نریندر مودی اسٹیڈیم میں کھیلے جارہے میچ میں بھارت نے پاکستان کی جانب سے دیا جانے والا 192 رنز کا ہدف باآسانی 3 وکٹوں کے نقصان پر حاصل کرلیا۔
کپتان روہت شرما نے 86 رنز کی شاندار اننگز کھیلی، ویرات کوہلی اور شبھمن گل 16، 16 رنز بنا کر آؤٹ ہوئے۔
شریاس ایئر نے ناقابل ششکست نصف سنچری اسکور کی، کے ایل راہول 12 رنز کے ساتھ ناٹ آؤٹ رہے۔
پاکستان کی جانب سے شاہین شاہ آفریدی نے دو اور حسن علی نے ایک وکٹ حاصل کی۔
تاہم گزشتہ روز شعیب اختر نے سچن ٹنڈولکر کو صفر پر بولڈ کرنے کی تصویر شیئر کرتے ہوئے لکھا تھا کہ ’کل اگر ایسا کچھ کرنا ہے تو ٹھنڈ رکھ۔‘
سچن ٹنڈولکر نے جواب دیتے ہوئے لکھا کہ ’میرے دوست، آپ کے مشورے پر عمل کیا اور سب کچھ بالکل ٹھنڈا رکھا۔‘
My friend, aap ka advice follow kiya aur sab kuch billlkoool THANDA rakha…. https://t.co/fPqybTGr3t
— Sachin Tendulkar (@sachin_rt) October 14, 2023
