ننکانہ صاحب: ننکانہ صاحب کی سیشن کورٹ کے جج نے ایک درخواست کی سماعت کے دوران اشتعال انگیز تقریر کرنے پر شیخ رشید کے خلاف مقدمہ درج کر نے کا حکم دے دیا ہے۔
شیخ رشید نے بارہ نومبر کو پی ٹی آئی کے جلسے میں تقریر کی تھی۔ جس کے خلاف سترہ نومبر کو مسلم لیگ ن کے رہنما امتیاز کاہلو نے ڈسٹرکٹ سیشن جج ننکانہ کی عدالت میں درخواست دائر کی۔ درخواست میں موقف اختیارکیا گیاکہ شیخ رشید نے اشتعال انگیز تقریر کی ہے اور اُن کے خلاف مقدمہ درج کرنے کا حکم دیا جائے۔
وکلا کے دلائل کا جائزہ لینے کے بعد سیشن جج نے پٹیشن منظور کرلی اور شیخ رشید کے خلاف پرچہ کاٹنے کا حکم سُنا دیا ہے۔
