کہتے ہیں کہ جوانی چار دن کی ہوتی ہے اور عمر کا یہ حصہ کب گزرتا ہے پتا ہی نہیں چلتا، تاہم بالی وڈ کی ڈریم گرل کے لیے یہ جملے ہرگز بھی موزوں نہیں رہیں گے۔
ہندوستانی سینما کی چند خوبصورت ترین خواتین میں سے ایک ہیما مالنی نے اپنی 75 ویں سالگرہ منائی اور اس تقریب میں بھی وہ ہمیشہ کی طرح سدا بہار اور پروقار نظر آرہی تھیں۔ سوشل میڈیا پر وائرل تصاویر اور ویڈیوز کو دیکھ کر لگتا ہے کہ ’ڈریم گرل‘ اب بھی جوان ہیں۔
بالی وڈ اداکارہ کے شوہر اور اپنے دور کے معورف فلم اسٹار دھرمیندھر بھی تقریب کے موقع پر اپنی اہلیہ کے لیے کافی خوش نظر آئے۔
ہیما مالنی کی 75 ویں سالگرہ کی تقریب نہ صرف شاندار تھی بلکہ اس میں سلمان خان، رانی مکھرجی، ایوشمان کھرانہ، ودیا بالن، جیکی شیروف، ریکھا، انوپم کھیر، مادھوری ڈکشٹ ، روینہ ٹنڈن، جیا بچن جیسے ستارے بھی شریک تھے۔
تقریب میں معروف فلمی ستاروں کی شرکت نے ہیما کے جنم دن کو اور بھی خاص بنادیا۔ اس موقع پر ان کی بیٹیاں ایشا اور اہانہ دیول بھی موجود تھیں جو کہ مہمانوں کی خاطر داری میں مصروف رہیں۔
ہیما مالنی نے خصوصی طور پر تیار کردہ خوبصورت کاٹ کر تقریب کا آغاز کیا۔ ان کی سالگرہ پر ریکھا سمیت فلمی ستاروں نے رقص بھی کیا اور گلوکاروں نے گانے گائے۔
