قومی ٹیم کے وکٹ کیپر بیٹر محمد رضوان کا کہنا ہے کہ بھارت سے ہارے ضرور لیکن ہم نے ہمت نہیں ہاری ہے۔
پاکستان کرکٹ بورڈ (پی سی بی) نے آسٹریلیا کے خلاف میچ سے قبل محمد رضوان کی ویڈیو شیئر کی جس میں وکٹ کیپر بیٹر نے کہا کہ آسٹریلیا کیخلاف میچ اہم ہے اسکلز سے زیادہ میچ اویئرنس پر کام کرنا ہوگا۔
محمد رضوان نے کہا کہ کوئی ٹیم کمزور نہیں ہے آسٹریلیا کے خلاف میچ اہم ہے، فینز ہمیشہ ٹیم کو سپورٹ کرتے ہیں۔
.@iMRizwanPak discusses the areas of improvement and support from the fans as Pakistan prepare for their next #CWC23 clash against Australia.#DattKePakistani pic.twitter.com/GrJlPhgFmJ
— Pakistan Cricket (@TheRealPCB) October 18, 2023
دوسری جانب پاکستان کرکٹ ٹیم کے آل راؤنڈر محمد نواز کا کہنا ہے کہ بھارت کے خلاف شکست اور خراب کاکردگی پر تنقید تو ہونا تھی لیکن ہم صرف بھارت کو شکست دینے نہیں آئے اولین ترجیح سیمی فائنل میں پہنچنا ہے۔
محمد نواز نے کہا کہ تسلیم کرتا ہوں کہ 6، 7 میچز سے ان سے اچھی پرفارمنس نہیں ہو رہی۔
انہوں نے مزید کہا کہ بھارت کے خلاف میچ میں شکست ماضی کا حصہ بن گئی، ہمیں یہ سب بھلا کر آگے بڑھنا ہوگا، بھارت کے خلاف میچ میں سب کی امید بڑھ جاتی ہیں۔
آل راؤنڈر نے یہ بھی کہا کہ دونوں ممالک کی عوام کو اس میچ میں بڑی توقع ہوتی ہے کیونکہ بڑا میچ ہوتا ہے، اس میچ میں جو اچھا کھیلے وہ ہیرو بن جاتا ہے، جس طرح ہم بھارت سے ہارے اس پر تنقید تو ہونا تھی اور غصہ بھی آتا ہے۔
