ورلڈ کپ کے 20ویں میچ میں جنوبی افریقہ نے انگلینڈ کو 229 رنز کے بھاری مارجن سے شکست دے دی۔
ممبئی کے وانکھڈے اسٹیڈیم میں کھیلے گئے میچ میں جنوبی افریقہ کی جانب سے دیے گئے 400 رنز کے تعاقب میں انگلینڈ کی ٹیم 22 اوورز میں 170 رنز پر ڈھیر ہوگئی۔
مارک ووڈ کے 43 اور ایٹکنسن کے 35 رنز کے علاوہ کوئی خاطر خواہ کارکردگی نہ دکھا سکا۔
جونی بیرسٹو 10 رنز پر اینگیدی کا نشانہ بنے، ڈیوڈ ملان 6 اور جو روٹ 2 رنز پر جینسن کو وکٹ دے بیٹھے، ہیری بروک 17، کپتان جوز بٹلر 15 رنز پر ہمت ہار گئے۔
جنوبی افریقہ کی جانب سے کوئٹزی نے تین کھلاڑیوں کو پویلین کی راہ دکھائی، مارکو جینسن اور لنگی اینگیدی نے دو، دو وکٹیں حاصل کیں۔
جنوبی افریقہ نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 399 رنز بنائے اور جنوبی افریقہ کو جیت کے لیے 400 رنز کا ہدف دیا تھا۔
ہینرک کلاسن نے 109 رنز کی شاندار اننگز کھیلی، ریزا ہینڈرکس 85 رنز بنا کر آؤٹ ہوئے، وین ڈر ڈوسن نے 60 رنز کی اننگز کھیلی۔
View this post on Instagram
کوئنٹن ڈی کاک 4 رنز بنا کر پویلین لوٹ گئے، ڈیوڈ ملر 5 رنز بنا کر پویلین لوٹ گئے۔ میکرون جونسن نے 75 رنز کی برق رفتار اننگز کھیلی۔
انگلینڈ کی جانب سے ریس ٹوپلی نے تین وکٹیں حاصل کیں جبکہ عادل رشید دو وکٹیں حاصل کرسکے۔
View this post on Instagram
ٹاس کے موقع پر انگلش کپتان جوز بٹلر نے کہا کہ کوشش کریں گے جنوبی افریقہ کیخلاف اچھی کرکٹ کھیلیں، انگلش ٹیم میں 3 تبدیلیاں کی ہیں، گس اٹکنسن، ڈیوڈوِلی، بین اسٹوکس کو ٹیم میں شامل کیا گیا ہے۔
دوسری جانب جنوبی افریقی کپتان ٹمبابا ووما بیماری کی وجہ سے میچ سے باہر ہوگئے، جنوبی افریقی ٹیم کی قیادت ایڈین مارکرم کررہے ہیں۔
View this post on Instagram
آئی سی سی کرکٹ ورلڈ کپ میں انگلینڈ کو اپنے گزشتہ میچ میں افغانستان جبکہ جنوبی افریقہ کو نیدرلینڈز کیخلاف اپ سیٹ شکست کا سامنا کرنا پڑا تھا۔
دفاعی چیمپئن انگلینڈ اور جنوبی افریقہ کے درمیان یہ میچ وینکھڈے میں کھیلا جارہا ہے، ورلڈ کپ میں انگلش ٹیم تین میچ کھیلی ہے جس میں سے صرف ایک میچ ہی جیتی اور افغانستان کیخلاف اپ سیٹ شکست کا سامنا کرنا پڑا۔
View this post on Instagram
پروٹیاز نے سری لنکا اور آسٹریلیا کو قریب بھی نہ آنے دیا مگر نیدرلینڈز سے شکست کھا گئے۔
دونوں ٹیموں کے درمیان مقابلوں میں جنوبی افریقہ کو برتری حاصل ہے، ساؤتھ افریقہ نے 79 میں سے 33 جیتے، جبکہ تیس میچ انگلینڈ کے نام رہے۔
عالمی ایونٹ میں انگلینڈ نے بازی ماری ہے، انگلش ٹیم نے 7 میں سے 4 میں کامیابی سمیٹی ہیں، جنوبی افریقہ آج جیتا تو ورلڈکپ میں ریکارڈ برابر ہوجائےگا۔