کراچی : قومی ائیر لائن پی آئی اے اور پاکستان اسٹیٹ آئل کے درمیان واجبات کی ادائیگیوں کے معاملے میں اہم پیشرفت سامنے آئی ہے۔
اس حوالے سے ذرائع کا کہنا ہے کہ پی آئی اے کے جہازوں کو ایندھن کی فراہمی کے بعد پی آئی اے کا فلائٹ آپریشن جزوی طور پر بحال ہوگیا ہے۔
پی ایس او ذرائع کے مطابق پی آئی اے نے مزید 20فلائٹس کے لیے فیول طلب کیا ہے، ان پروازوں کو پیر کی سہ پہر 3بجے تک فیول فراہم کردیا جائے گا۔
- Advertisement -
ذرائع کا کہنا ہے کہ تین بجے کے بعد اگلی ادائیگی کی صورت میں مزید فیول فراہم کیا جائے گا، آج ادائیگیوں کے تنازعے کے باعث پی آئی اے کا آپریشن دن بھر بند رہا۔
پی آئی اے نے پی ایس او کو معاہدے کے بعد 7دنوں میں 75کروڑ کی ادائیگی کی ہے، پی آئی اے اور پی ایس کے درمیان یومیہ کم از کم 10 کروڑ روپے دینے کا معاہدہ ہوا ہے۔
