اسلام آباد :اسلام آباد سے دبئی، استنبول اورمدینہ جانے والی پروازیں منسوخ ہونے کے باعث مسافر ائیر پورٹ پر رل گئے۔
تفصیلات کے مطابق اسلام آباد سے مختلف ممالک جانے والی نجی اور سرکاری ایئرلائنز کی پروازیں منسوخ کردی گئیں ، جس کے باعث دبئی، استنبول اورمدینہ جانے والے مسافر ائیر پورٹ پررل گئے۔
ابوظہبی جانے والی پی آئی اے کی پرواز پی کے 261 بھی تاخیر کا شکار ہے جبکہ مدینہ جانےوالی نجی ائیر لائن کی پرواز ای آر 915 بھی منسوخ کردی گئی۔
- Advertisement -
استنبول جانے والی نجی ائیرلائن کی پرواز ٹی کے 711بھی منسوخ ہوگئی ، متاثرہ مسافروں کا کہنا ہے کہ ہم رات گئے سے فلائٹ کا انتظار کررہے ہیں، کچھ نہیں بتایاگیا، ہم دور دراز علاقوں سے آئےہیں،اب رات گئے کیا کریں گے۔
