کیرالہ: سوشل میڈیا پر لیجنڈری اداکار رجنی کانت کے ہمشکل کی ویڈیو وائرل ہوگئی۔
شاہ رخ خان، عمران ہاشمی، انیل کپور اور رنبیر سنگھ کے بعد اب بھارت کے لیجنڈری اداکار رجنی کانت کے ہمشکل کی ویڈیو نے سوشل میڈیا پر دھوم مچادی ہے۔
بھارتی میڈیا کے مطابق رجنی کانت کے ساتھ غیرمعمولی مشابہت رکھنے والا سدھاکر پربھو بھارتی ریاست کیرالہ میں چائے کا ایک ہوٹل چلاتا ہے۔
இவர் எளிமையான மனிதர்னு சொல்லுவானுங்க ஆனா இவளோ எளிமையானவரான்னு இப்ப தான் ஆச்சர்ய படுறேன்…. pic.twitter.com/pIbxiVYlpX
— DESPOTER (@despoters_12345) October 20, 2023
وائرل ہونے والی ویڈیو میں اداکار کے ہمشکل نے شارٹس اور شرٹ کے ساتھ چشمہ بھی پہنا ہوا ہے جسے دیکھ کر رجنی کانت کے مداح حیران رہ گئے۔
واضح رہے کہ ان دنوں رجنی کانت اپنی نئی آنے والی فلم ‘تھلائیور 170′ کی شوٹنگ پر کام کررہے ہیں، ‘تھلائیور 170′ رجنی کانت کے کیریئر کی 170ویں فلم ہوگی جوکہ اداکار کے لیے کافی اہمیت کی حامل ہوگی، اس فلم میں امیتابھ بچن اور رجنی کانت اہم کرداروں میں نظر آئیں گے۔