اسلام آباد : ڈسکوز اور جنکوز افسران کو مفت یونٹس کی بجائے رقم دینے کی منظوری آج دئیے جانے کا امکان ہے، افسر کو ماہانہ مفت یونٹس کی بجائے ہزاروں روپے دینے کی تجویز دی ہے۔
تفصیلات کے مطابق ڈسکوز اور جنکوز افسران کومفت بجلی کے بجائے رقم دینے کی تیاریاں کرلی گئیں، اس سلسلے میں کابینہ کی توانائی کمیٹی کا اہم اجلاس آج شام کو طلب کرلیا گیا ہے۔
اجلاس میں پاور ڈویژن گریڈ 17 سے 22 کےافسران کو مفت یونٹس کےبجائے رقم دینےکی سمری پیش کرے گا ، جس کے بعد مفت یونٹس کی بجائے رقم دینے کی منظوری دئیے جانے کا امکان ہے۔
تقسیم کار کمپنیوں کے گریڈ 17کے افسر کو 450 ماہانہ مفت یونٹس کی بجائے 15 ہزار858روپے ، گریڈ18 کے افسر کو مفت یونٹس کی بجائے 21ہزار996 روپے ، گریڈ 19کے افسر کو ماہانہ 37ہزار594 روپے دینے کی سفارش کی گئی ہے۔
گریڈ20 کےافسرکو1100یونٹس کی بجائے 46ہزار992روپے ، گریڈ21 کےآفیسرکو مفت یونٹس کےبجائے ماہانہ 55 ہزار536 روپے دینے کی تجویز سامنے آئی ہے۔
اسی طرح جنکوز کے گریڈ 17کے افسر کو ماہانہ 24ہزار570 روپے، گریڈ 18کےافسر کو ماہانہ 700 یونٹس کی بجائے 26ہزار460 روپے ، گریڈ 19کے افسر کو ماہانہ مفت یونٹس کی بجائے42ہزار720 روپے دینے کی تجویز دی گئی ہے۔
جنکوز کے گریڈ 20کے افسر کو ماہانہ یونٹس کی بجائے 46ہزار 992روپے اور گریڈ 21کے افسر کو ماہانہ 55ہزارروپے536 دینے کی سفارش کی ہے۔
