پی آئی اے کی جانب سے پی ایس او کو واجبات کی ادائیگی کا معاملہ حل کرنے اور قومی ایئرلائن کا فلائٹ آپریشن معمول پر لانے کی کوششیں رنگ لے آئیں۔
تفصیلات کے مطابق قومی ائیرلائن کا فلائٹ آپریشن جزوی طور بحالی کی طرف گامزن ہوگیا، پی آئی اے کل اندورن و بیرون ملک کے لیے مجموعی طور پر 22 پروازیں آپریٹ کرے گی۔
اس حوالے سے ترجمان پی آئی اے کا کہنا ہے کہ پی ایس او کو ایندھن فراہمی کے لیے فہرست جاری کردی گئی ہے، کل انٹرنیشنل روٹس کی 15 اور ڈومسٹیک روٹس کی 7 پروازیں روانہ ہونگی۔
پی آئی اے کل کراچی سے اسلام آباد کے لیے دو پروازیں پی کے 300 اورپی 302 آپریٹ کرے گی
اسلام آباد سے کراچی پی کے 301، لاہور سے کراچی پی کے 303،اسلام آباد سے گلگت 601 اور 605جبکہ اسلام آباد سے اسکردو پی کے 451 روانہ ہوگی۔
کراچی سے جدہ کے لیے پرواز پی کے 731، کراچی، مدینہ پی کے 743 روانہ کی جائیگی
اسلام آباد سے جدہ 741،اسلام آباد سے کوالالمپور 894،اسلام آباد سے ریاض 753،اسلام آباد سے دمام پی کے 245،اسلام آباد سے جدہ 841،اسلام آباد سے ابودابی پی کے 261 اور اسلام آباد سے دبئی پی کے 211 آپریٹ ہونگی
سیالکوٹ سے جدہ پی کے 745 جبکہ ملتان سے جدہ کے لیے پی کے 939 روانہ ہوگی۔ لاہور سے مدینہ پی کے 715 اور لاہور سے دمام کے لیے پی کے 247 اور لاہور سے دبئی کے لیے پی کے 203آپریٹ کی جائینگی۔
پی آئی اے حکام کے مطابق کراچی سے اسلام کوٹ (تھرپارکر) کی چارٹر فلائٹ پی کے 6511 بھی آپریٹ کی جائے گی۔
