ڈی آئی خان: ڈیرہ اسماعیل خان میں ٹانک اڈہ کے قریب پوندہ بازار میں زور دار دھماکے کے باعث 5 افراد جاں بحق جبکہ 20 زخمی ہو گئے۔
اے آر وائی نیوز کے مطابق دھماکے کے نتیجے میں 20 کے زخمی ہونے کی اطلاعات ہیں جبکہ دھماکے کے بعد شدید فائرنگ کی آوازیں بھی سنی گئیں۔
پولیس کے مطابق دھماکے سے موقع پر کھڑی متعدد موٹرسائیکلوں کو بھی نقصان پہنچا ہے جب کہ دھماکے کے نتیجے میں 20 افراد زخمی ہوئے جن میں پولیس اہلکار بھی شامل ہیں۔
- Advertisement -
اطلاعات کے مطابق دھماکے میں پولیس وین کو نشانہ بنایا گیا جبکہ دھماکے کی نوعیت کا ابھی اندازہ نہیں لگایا جا سکا۔
سیکورٹی اداروں کی بھاری نفری جائے وقوعہ پر پہنچ گئی ہے اور ریسکیو عملے نے زخمیوں کو قریبی اسپتال منتقل کر دیا ہے۔
